કહી દીધું........

 

જીવતો છતાં મડદું થઈ કહી દીધું.

પડઘાએ છેક અંદર જઇ કહી દીધું.

પડ્યું હશે આંસુ તીવ્ર વેગથી કોક'દિ,

હૃદયથી પહેલા આંખે કંઈ કહી દીધું.

અવાક થઈ જોઈ રહ્યો બધું મૂર્ખ,

પોતાનાએ પારકા થઈ કહી દીધું.

છેતરવાની રમતમાં પાસા સંબંધોના,

લાગણીઓ એ લાગ લઈ કહી દીધું.

માયાના મેળામાં મ્હાલી થાક્યા નીમુ'રા,

હચમચ્યા અમે લોકો એ વાઈ કહી દીધું.

જીવતો છતાં મડદું થઈ કહી દીધું.

પડઘાએ છેક અંદર જઇ કહી દીધું.

લેખન: નીતિન રાવલ (નીમુ'રા)